ఇక్కడే .... ఈ గదిలోనే
అప్పుడే ... ఒకటైనప్పుడే
అలివేణి సిగపూలు ఏమన్నవో
తొలిరేయి తెలవార లేదన్నదో
మరి ఏమన్నదో చెప్పనా మళ్ళీ చెప్పనా
చెప్పనా మళ్ళీ చెప్పనా
శ్రుతిమించెను శ్రీవారి మనసు గడుసైన వయసు ఓ
అగుపించెను ఆ నాటి తలపు అరుదైన వలపు ఓ
ఈ ఓర చూపుల తొందరలు నీ దోరనవ్వుల దొంతరలు
అలనాటి రాగాలే పలికించగా
అనురాగ వీణ నిదురించునా
ఇక్కడే ......ఈ గదిలోనే
అప్పుడే ......ఒకటైనప్పుడె
దొరగారి ఎదపొంగు ఏమన్నదో పరువాలు విరబూసి ఏమన్నదో
మరి ఏమన్నవో చెప్పవే జాబిల్లి చెప్పవే
చెప్పవే జాబిల్లి చెప్పవే
ఇక తీరును ఇన్నాళ్ళ వేడుక ఇల్లాలి కోరిక .. ఓ
ఉదయించును మన ఇంట బాలుడు ఒక బలరాముడు ... ఓ
మీ నోటి పలుకే దీవనయై మీ తోటి బ్రతుకే పావనమై
అపరంజి కలలన్నీ ఫలియించనీ
అందాల పాపాయి ఉదయించనీ
ఒక అందాల పాపాయి ఉదయించనీ
ఊ ళ్ళ ళ్ళ ళ్ళ ళ్ళ హాయీ
ఊ ళ్ళ ళ్ళ ళ్ళ ళ్ళ హాయీ
హాయీ హాయీ
హాయీ హాయీ
No comments:
Post a Comment