సాగర సంగమమే
ప్రణయ సాగర సంగమమే
కలలే అలలై ఎగసిన కడలికి
కలలో ఇలలో దొరకని కలయిక
కన్యాకుమరి నీ పదములు నేనే
కడలి కెరటమై కడిగిన వేళ
సుమ సుకుమారీ నీ చూపులకే
తడబడి వరములు అడిగిన వేళ
అలిగిన నా తొలి అలకలు నీలొ
పులకలు రేపి పువ్వులు విసిరిన
పున్నమి రాతిరి నవ్విన వేళ
సాగర సంగమమే ప్రణయ సాగర సంగమమే
భారత భారతి పద సన్నిధిలో
కులమత సాగర సంగమ శ్రుతిలో
నా రతి నీవని వలపుల హారతి
హ్రుదయము ప్రమిదగ వెలిగిన వేళ
పరువపు ఉరవడి పరువిడి నీ వొడి
కన్నుల నీరిడి కలిసిన మనసున
సందెలు కుంకుమ చిందిన వేళ
సాగర సంగమమే ప్రణయ సాగర సంగమమే
No comments:
Post a Comment