నా తోటలో నేను....

మెచ్చుకోలు వాఖ్యలకు
విచ్చుకున్న హృదయం తో

00--00

అక్షరాల తోటలొ
కవితా వృక్షాల నీడలో
పాదుల్లోని పదాలు
ఏరుకుంటున్నా

00--00

ఆకులెన్నో ఊహలు అన్ని
కూర్చటమే .. కుదరటం లేదు
చెట్లలో దాగిన సూర్యుడు
చెప్పేస్తున్న కిరణాలు
ఎర్రబడ్డ వాడు వేడి పెంచాడు
పారిపోతుంది పొగమంచు
పచ్చిక పై జాడలొదిలి

00--00

ఒళ్ళు విరుచుకుంటూ
తలలెత్తిన మొగ్గలు
రంగులమ్ముతున్న
సితాకోక చిలుకలు
అడపా తడపా
హాజరేసుకునె పిట్టలు
ఊహలందిస్తున్న
నిశ్శబ్దం

00--00

నా వెనకే నడుస్తున్న కాలిబాట
కాదా ఎప్పటికైనా రహదారి॥

This was published in Avakaaya.com