Monday, February 11, 2008

కురులలొ ముంగురులలో...


నీ కురులు
ఎంత చక్కని సృష్టి
అందుకె పూలు ఇక్కడే
ఊసులాడుకుంటాయి


0--0


తడిసినా , తుడిచినా
ముడిచినా ,జార విడిచినా
భాష్యాలే అందానికి
అందుకే చిరుగాలి
నీతోనే ఆటలు


0--0


ముందు పడి ఓల లాడుతూ
వెనక చేరి డోల లాడుతూ
వాలుగా దూకి వంపులు తిరిగి
ఉరికే కృష్ణ పాతం


0--०


పచ్చిక లా పరచితే
పవ్వళించాలని ఉంది
కొరడా లా ఝళిపించితే
ఏ శిక్షకైనా సిద్దమే


0--0


జీరాడు ముంగురులలో
చిక్కు ముడినై
రెండుగా చీలినా
మూడు పాయలైనా
అల్లికల మధ్య దూరైనా
అంటి పెట్టుకునే ఉండిపోతా


0--0


నే జారకుండా
జడకుచ్చులు
పెట్టుకోవా........

No comments: